ڕاوێژکاری باڵای وەزارەتی پێشمەرگە سەرپەرشتیی کۆبوونەوەی پرۆژەکانی چاکسازی کرد
![](/media/26784/img_4569.jpeg?anchor=center&mode=crop&width=1200&height=630&rnd=133606595970000000)
ڕۆژی یەکشەممە ۱۹ی ئایاری ۲٠۲٤، لە بەڕێوەبەرایەتیی چاکسازی، لیوا بەشدار ئیسماعیل، ڕاوێژکاری باڵای وەزارەتی پێشمەرگە، بە ئامادەبوونی کۆڵۆنێڵ واڵتەر، ڕاوێژکاری سەربازیی وڵاتی هۆڵەندا و مێجەر لویزا، ڕاوێژکاری سەربازیی وڵاتی ئەڵمانیا، سەرپەرشتیی کۆبوونەوەیەکی پرۆژەکانی چاکسازی کرد.
لە میانی کۆبوونەوەیەکدا، عمید جەوهەر صالح ئەحمەد، جێگری بەڕێوەبەری چاکسازی، جەختی لە گرنگیی پاڵپشتیی وەزارەتی پشمەرگە و ڕاوێژکارانی وڵاتانی هاوپەیمان کردەوە، بۆ سەرخستنی پرۆسەی چاکسازیی وەزارەتی پێشمەرگە و هیوای خواست کە ئەو کۆبوونەوانە بەردەوامییان هەبێت.
پاشان تیمی پرۆژەکانی چاکسازی، پوختەی بەرەوپێشچوونەکانی پرۆژەکانیان خستە ڕوو، لەلایەن خۆیەوە، ڕاوێژکاری باڵای وەزارەت، ئاماژەی بە گرنگیی پرۆسەی ڕیفۆرمی وەزارەت دا و پاڵپشتی و پشتگیریی وەزارەتی پێشمەرگەی بۆ تیمی پرۆژەکانی چاکسازی، بەتایبەتی بۆ پرۆژەی یەکسانیی مافی ئافرەت و پیاو لە وەزارەتی پێشمەرگە نیشان دا، کە گفتوگۆی تێروتەسەل لەسەر ئەم بابەتە کرا، هاوکات ڕاوێژکارانی هەردوو وڵات بۆچوون و پێشنیار و تێبینیی خۆیان خستە ڕوو.