فەرماندەی فیرقەی چواری پیادە پێشوازی لە شاندێکی هاوپەیمانان کرد
ڕۆژى دووشەممە ١٨ـی تشرینی دووەمی ٢٠٢٤، لیوا ڕوکن زاتیار زوبێر، فەرماندەی فیرقەی چواری پیادە، پێشوازی لە شاندێکی هاوپەیمانان، بە سەرپەرشتيی کاپتن کێڤن نۆریگا، بەرپرسی تیمی ڕاوێژکارانی هاوپەیمانان لە هەرێمی کوردستان کرد.
لە دیدارێکدا، کە جێگر و سەرۆکی ئەرکان و ئەفسەرانی بارەگای فیرقەی چواری پیادە ئامادەی بوون، گفتوگۆ لەبارەی بەرنامە و پلانی کاری داهاتووی هاوپەیمانان لە ڕووی مەشق و هاوکارییە لۆجستییەکان بۆ فیرقەکان كرا.
لای خۆیەوە فه‌رمانده‌ى فيرقه‌ى چوارى پياده ئامادەیيی خۆی بۆ هەموو هاوکاری و هەماهەنگییەک، بۆ بەرەوپێش بردنی کاروبارەکانی فیرقەكه نيشان دا. دواتر شاندی میوان سەرجەم بەشەکانی فیرقەیان بەسەر کردەوە.
