ڕاوێژکاری باڵای وەزارەتى كاروبارى پێشمه‌رگه پێشوازی لە بەرپرسی تیمی پەیوەندییەکانی سوپای ئەڵمانیا کرد
ڕۆژى سێشه‌ممه ٢٦ی تشرینی دووەمی ٢٠٢٤، لیوا بەژدار ئيسماعیل، ڕاوێژکاری باڵای وەزارەتی كاروبارى پێشمەرگە، پێشوازی لە مێجەر ئەنتۆنیۆ، بەرپرسی تیمی پەیوەندییەکانی سوپای ئەڵمانیا لە هەرێمی کوردستان کرد.
لەو کۆبوونەوەیەدا، تیشک خرایە سەر چاکسازییەکانی وەزارەتی كاروبارى پێشمەرگە و بەرەوپێشچوونی یەکگرتنەوەی تەواوی هێزی پێشمەرگە، لەژێر چەتری وەزارەتدا، هەروەها زیاتر تیشک خرایە سەر هەڵبژاردنی ئەفسەری لێهاتوو بۆ خولى مەشقەکان، کە لە داهاتوودا لە وڵاتی ئەڵمانیا بەڕێوە دەچێت.
