جێگری سەرۆکی ئەرکانی وەزارەتی پێشمەرگە پێشوازی لە بەرپرسی هێزەکانی ئەڵمانیا لە هەرێمی کوردستان کرد
ڕۆژی سێشەممە ۲۲ی تشرینی یەکەمی ٢٠٢٤، لیوا ڕوکن ڕێبوار عەلی کەریم، جێگری سەرۆکی ئەرکان بۆ ئۆپەراسیۆنەکان، پێشوازی لە مێجەر مانسیاس، بەرپرسی تیمی هێزەکانی ئەڵمانیا لە هەرێمی کوردستان کرد، کە بە مەبەستی کۆتاییهاتنی ئەرکەکەی لە هەرێمی کوردستان و ناساندنی مێجەر ئەنتۆنیۆ وەک جێگرەوەی لە هەرێمی کوردستان سەردانی کردبوو.
جێگری سەرۆکی ئەرکان، سوپاسی بەرپرسی هێزەکانی ئەڵمانیای کرد، کە لە ماوەی ئەرکەکەی خزمەتی هێزی پێشمەرگەی کوردستانی کردووە. هەروەها بەخێرهاتنی بەرپرسی تازەی هێزەکانی ئەڵمانیای لە هەرێمی کوردستان کرد و هیوای سەرکەوتنی بۆ خواست.
