فەرماندەی هێزەکانی پشتیوانيی یەک پێشوازی لە بەرپرسی دەستەی ڕاوێژکارانی هاوپەیمانان کرد
ڕۆژى سێشه‌ممه ٨ی نیسانی ٢٠٢٥، سیھاد بارزانی، فەرماندەی فەرماندەیيی ھێزەکانی پشتیوانيی يه‌ك، پێشوازی لە کۆڵۆنێل باس براست، بەرپرسی دەستەی ڕاوێژکارانی هاوپەیمانان بۆ کاروباری ئۆپەراسیۆن لە هەرێمی کوردستان و تیمێکی یاوەری کرد.
لە دیدارێکدا؛ گفتوگۆ لەبارەی هاوکاری و هەماهەنگيی هێزەکانی هاوپەیمانان بۆ هێزەکانی پێشمەرگە كرا، بە تایبەت لەڕووی ڕاوێژکاری و لۆجستی و مەشق و ڕاهێنانەکانەوە، لای خۆیەوە فەرماندەی هێزەکانی پشتیوانيی يه‌ك هاوکاريی هێزەکانی هاوپەیمانانی بەرز نرخاند و بەردەواميی هاوکارییەکانی بە پێویست زانيی.
