فەرماندەی هێزەکانی پشتیوانیی یەک پێشوازی لە فەرماندەی هێزەکانی هاوپەیمانان کرد

ڕۆژی سێشەممە ٢٢ـی نیسانی ٢٠٢٥، سیهاد بارزانی، فەرماندەی فەرماندەییی هێزەکانی پشتیوانیی یەک، پێشوازی لە کۆڵۆنێڵ راب برەندستێتر، فەرماندەی هێزەکانی ‫هاوپەیمانان‬ لە ‫هەرێمی کوردستان‬ و شاندێکی یاوەری کرد.
لە دیدارێکدا گفتوگۆیان لەبارەی هاوکاری و هەماهەنگییەکانی هێزەکانی هاوپەیمانان بۆ هێزەکانی ‫پێشمەرگە‬ کرد، لە ڕووی مەشق و لۆجستییەوە.
لای خۆیەوە فەرماندەی هێزەکانی پشتیوانیی یەک سوپاسی هاوکارییەکانی هاوپەیمانانی کرد و بەردەوامی هاوکاری و هەماهەنگییەکانی بۆ هێزەکانی پێشمەرگە بە گرنگ و پێویست زانی.