بەڕێوەبەری چاکسازیی وەزارەتی کاروباری پێشمەرگە پێشوازی له ڕاوێژکاری سەربازیی هۆڵەندا کرد
عه‌مید نەوزاد محەممەد خزر، بەڕێوەبەری چاکسازیی وەزارەتی کاروباری پێشمەرگە، پێشوازی لە کۆڵۆنێڵ لیندا کاپێلێ، ڕاوێژکاری سەربازیی وڵاتی هۆڵەندا لە هەرێمی کوردستان کرد.
لەمیانەی کۆبوونەوەیەکدا، بەڕێوەبەری چاکسازی وێرای بەخێرهاتنی کۆڵۆنێڵ لیندا، جەختی لە گرنگيی پاڵپشتیی وڵاتی هۆڵەندا بۆ بەرنامەی ڕیفۆرمی وەزارەتی پێشمەرگە کردەوە؛ هەروەها میکانیزمی بەردەوامبوونی هەماهەنگیی دوولایەنە تاووتوێ کرا.
ڕاوێژکاره سەربازییه‌كه‌ى هۆڵەندا تیشکی خستە سەر ئەو پرۆژانەی ڕاوێژیان پێ دەدرێت، لەلایەن هێزی هۆڵەندا و ئاماژەی بە هەنگاوەکانی وڵاتەکەی بۆ پاڵپشتی و بەرەوپێشبردنی کار و ئەرکەکانیان لە پرسی چاکسازی و ڕێکخستنەوەی هێزەکان بۆ ژێر چەتری وەزارەتی پێشمەرگە کرد.
