لە بەڕێوەبەرایەتیی چاکسازیی وەزارەتی کاروباری پێشمەرگە خولێکی تایبەت بە بەڕێوەبردنی پرۆژەکان کۆتایی هات
ڕۆژی سێشەممە، ۲٦ی ئابی ۲٠۲٥، لەسەر ڕاسپاردەی سەرۆکی ئەرکان و بە پاڵپشتیی سوپای فەڕەنسا و لەژێر چاودێریی پاشکۆی سەربازی لە باڵیۆزخانەی فەڕەنسا لە عێراق، بەڕێوەبەرایەتیی چاکسازیی وەزارەتی پێشمەرگە، خولێکی تایبەتی بە بەڕێوەبردنی پڕۆژەکان کۆتایی پێهێنا؛ کە لەلایەن ڕاوێژکاری سەربازیی وڵاتی فەرەنسا لە هەرێمی کوردستان، بۆ چەند ئەفسەرێکی وەزارەتی پێشمەرگە کرابووەوە.
لە خولەکەدا، ٢٠ ئەفسەر لە یەکە جیاوازەکانی سەر بە وەزارەتی پێشمەرگە بەشداربوون و ماوەی دوو ڕۆژی خایاند، تیایدا بنەماکان و شێوازەکانی بەڕێوەبردنی پرۆژەکان پێشکەش بە بەشداربووان کرا.
