پشکنینی بەدواداچوون بۆ لیوای ٢٦ی وەزارەتی کاروباری پێشمەرگە ئەنجام درا

ڕۆژی دووشەممە، ٢٥ی ئابی ٢٠٢٥، بەڕێوەبەرایەتیی پشکنینی گشتی (المفتشية العامة)ی وەزارەتی کاروباری پێشمەرگە، پشکنینی بەدواداچوونی کاروبارەکانی بۆ لیوای ٢٦ی پیادە ئەنجام دا.
پشکنینەکە لەلایەن لیژنەیەکەوە لە بەڕێوەبەرایەتیی پشکنینی گشتیی وەزارەتی پێشمەرگە، بە سەرپەرشتی لیوا د. عەبدولعەزیز حەمید ناسراو بە (حەسەن عەسکەری)، بەڕێوەبەڕی پشکنینی گشتی، بە ئامادەبوونی عمید روکن فەرهاد ڕەسوڵ، جێگری بەڕێوەبەر، ژمارەیەک ئەفسەری پشکنەر، لە چەند بەشێکی جیاواز ئەنجام درا.
ئەم پشکنینەش لە کاتێکدایە پێشتر لیژنەکە پشکنینی فێرکاری بۆ لیوای ٢٦ی پیادە ئەنجام دابوو، تیایدا چەند ڕێکار و ڕێنماییەکیان پێدا بوون. ئەم پشکنینەش وەك بەدواداچوونێکە بۆ شێوازی بەڕێوەبردنی کاروبارەکان و دیاریکردنی ئاستی جێبەجێکردنی ڕێکار و ڕێنماییەکان، لە سەرجەم بەشەکانی لیوا.
شایانی باسە، پڕۆسەی پشکنینی فێرکاری و پشکنینی تاقیکاری و پشکنینی لەناکاو، بەردەوام دەبێت و سەرجەم یەکە و دامەزراوەکانی سەر بە وەزارەتی پێشمەرگە، دەگرێتەوە.