بەڕێوەبەری گشتیی ڕاگەیاندنی وەزارەتی کاروباری پێشمەرگە پێشوازی لە ڕاوێژکاری سەربازيی هێزەکانی هۆڵەندا کرد
ڕۆژی چوارشەممە ٢٠ی ئابی ٢٠٢٥، عوسمان محه‌مه‌د مستەفا، بەڕێوەبەری گشتیی ڕاگەیاندن و هۆشیاريی نیشتمانيی وەزارەتی کاروباری پێشمەرگە، پێشوازی لە کۆڵۆنێڵ لیندا کاپێلا، ڕاوێژکاری سەربازيی هێزەکانی هۆڵەندا لە هەرێمی کوردستان کرد.
لە دیدارێکدا، باسی کردنەوەی پێشانگه‌یەکی وێنەیيی تایبەت بە پێشمەرگەی ئافرەت لە داهاتوویەکی نزیکدا کرا، کە گوزارشت لە خەبات و ژیانی پێشمەرگەی ئافرەت لەناو هێزەکانی پێشمەرگەی کوردستان بکات.
لەمبارەیەوە بەڕێوەبەری گشتيی ڕاگەیاندن، ستایشی ئەم هەنگاوەی ڕاوێژکاری سەربازيی هێزەکانی هۆڵەندای کرد و وەک بەڕێوەبەرایەتيی ڕاگەیاندن ئامادەیيی هەموو هاوکاریيەکی دەربڕی و هیواشی خواست لە داهاتوودا کارەکانیان لەگەڵ پێشمەرگە پەرە پێ بدەن و بتوانن کاری باشتر و زیاتر بەیەکەوە بکەن.
