سەرۆکی ئەرکانی وەزارەتی کاروباری پێشمەرگە پێشوازی لە فەرماندەی هێزەکانی ئەڵمانیا كرد
ڕۆژی دووشەممە ٢٥ی ئابی ٢٠٢، عیسا عوزێر، سەرۆکی ئەرکانی وەزارەتی کاروباری پێشمەرگە، پێشوازی لە کۆڵۆنێڵ سێبستیان کلینک، فەرماندەی هێزەکانی ئەڵمانیا لە هەرێمی کوردستان و تیمێکی یاوەری کرد.
لەو دیدارەدا، کە محه‌مه‌د سه‌عید، بەڕێوەبەری هەماهەنگی و پەیوەندییەکانی وەزارەت ئامادەی بوو، وێڕای خۆناساندنی فەرماندەی تازەی هێزەکانی ئەڵمانیا، پلانی نوێی ڕاوێژکارانی سەربازيی ئەڵمانیا لە پرسی هەماهەنگیکردن لەگەڵ هێزی پێشمەرگە و دوایين گۆڕانکارییەکانی پرۆسەی چاکسازی لە وەزارەتی پێشمەرگە و هەوڵە به‌رده‌وامه‌كانى وەزارەت لە پرسی ڕیفۆرمی سەربازی تاووتوێ کرا.
سەرۆکی ئەرکان جەختى لە گرنگیدانی زیاتر بە پەیوەندییەکانی نێوان هێزی پێشمەرگە و تیمی ڕاوێژکارانی سوپای ئەڵمانیا كرده‌وه، لە بەرانبەر بەهێزکردنی توانای سەربازيی هێزی پێشمەرگە، هه‌روه‌ها دڵنيايى دا کە هەوڵەکانی وەزارەت لە بواری چاکسازی هەنگاوی باشیان بڕیوە و بەردەوامبوونی وەزارەتیش زامنی سەرکەوتنی ئەم پرۆسەیە دووپات دەکاتەوە.
