لە فیرقەی دووی وەزارەتی کاروباری پێشمەرگە سیمیناری هۆشیاریی یاسای جەنگ بەڕێوە چوو
لە درێژەی کار و چالاکییەکانی بەڕێوەبەرایەتیی هۆشیاریی نیشتیمانی و خاچی سووری نێودەوڵەتی، بە ئامادەبوونی لیوا روکن ڕێبوار محێدین، فەرماندەی فیرقەی دووی پیادە، کۆمیتەی نێونەتەوەیی خاچی سوور لە عێراق، سیمینارێک لەژێر ناونیشانی "یاساکانی جەنگ" لە بارەگاى فیرقەى دووی پیادە، بۆ ئەفسەرانی دەستەی ئەرکانی فیرقە پێشکەش کرا.
سیمینارەکە لەلایەن لوقمان ڕەشید حەمید، ڕاوێژکاری سەربازیی کۆمیتەى نێونەتەوەیی خاچى سوور لە عێراق پێشکەش کرا؛ تیایدا یاسا و ڕێسا نێودەوڵەتییەکانی، لە کاتی ڕوودانی جەنگ و ڕووبەڕووبوونەوەکاندا شی کردەوە. هەروەها جەختی لە جێبەجێکردنی ئەو یاسا و ڕێسایانە بۆ پاراستنی هاووڵاتییانی سڤیل، لەو ناوچانەی شەڕ و پێکدادانی چەکداریی تێدا ڕوودەدات کردەوە.
لەکۆتاییدا، لە لایەن ئەفسەران و بەشداربووانەوە، بە سەرنج و ڕاگۆڕینەوە و گفتوگۆی پێویست کۆتایی بە سیمینارەکە هات.
