لە لیوای ٢٧ی وەزارەتی کاروباری پێشمەرگە یادی ئەنفالی بادینان بەرز ڕاگیرا
ڕۆژی دووشەممە، ٢٥ی ئابی ٢٠٢٥، لە بارەگای لیوای ٢٧ی سەر بە فیرقەی سێی وەزارەتی کاروباری پێشمەرگە، بە ئامادەبوونی عمید عەبدوڵڵا هەمزۆ، فەرماندەی لیوا، لە بەشی ڕاگەیاندن و هۆشیاریی لیوا، لە یادی ٣٧ ساڵەی شاڵاوی ئەنفالی بادینان، سیمینارێکی لەبارەی ئەنفالی ئەو دەڤەرە بۆ ئەفسەر و پێشمەرگەکانی لیوای ٢٧ی پیادە پێشکەش کرد.
لە سیمینارەکەدا، باسی ئۆپەراسیۆنە سەربازییەکان و ستەمی ڕژێمی بەعس دژی کورد کرا؛ دواتر چەمکی ئەنفال و پەیوەندیی ئەنفال و جینۆسایدی کورد شی کرانەوە. دواتر باس لە قۆناغەکانی ئەنفال لە ناوچەکە و کوردستان بەگشتی کرا.
هەر لە سیمینارەکەدا، پارچە هۆنراوەیەکی تایبەت بەم یادە، لەلایەن پێشمەرگەیەکی لیوای ٢٧ی پیادە پێشکەش بە ئامادەبووان کرا.
