وه‌زاره‌تى كاروبارى پێشمه‌رگه له به‌ڕێوه‌بردنى سيميناره‌كانى هۆشيارى به‌رده‌وامه
ڕۆژی شەممە ٢٢ی شوباتی ٢٠٢٥، لەژێر چاودێريی فەرماندەی لیوای ٢٢ی پیادە، بەرپرسی بەشی هۆشیاريی لیواكه، زنجیرەیەک سیمیناری هۆشیاری بۆ ئەفسەر و پێشمەرگەکانی بارەگا و فەوجەکانی سەر بە لیوای ٢٢ی پیادە ئەنجام دا.
لە سیمینارەکاندا، دوایین جموجۆڵەکانی گرووپی تیرۆريستی داعش لە ناوچەکەدا ڕوون کرانەوە، بۆ ئەمەش ئامادەباشيی هێزەکانی پێشمەرگە بۆ ڕێگریکردن و ڕووبەڕووبوونەوەی تیرۆریستان بە پێویست زانرا، هەروەها لە بەشێکی ديكه‌ى سیمینارەکان دا باس لە بەکارهێنانی تۆڕە کۆمەڵایەتیيەکان و خۆپاراستن لە خراپبەکارهێنانی ئەو تۆڕانە کرا، دواتر ڕێنماییەکانی وەزارەتی كاروبارى پێشمەرگە سەبارەت بە خراپبەکارهێنانی تۆڕە کۆمەڵایەتیيەکان و قەدەغەکردنی بڵاوکردنەوەی وێنە و ڤیدیۆی بارەگا و سەنگەرەکانی هێزەکانی پێشمەرگە ڕوون کرانەوە.
