لیواکانی وەزارەتی کاروباری پێشمەرگە بەردەوامن لە سازکردنی سیمیناری هۆشیاری
ڕۆژی سێشەممە ٤ی شوباتی ٢٠٢٥، بە سەرپەرشتیی عەمید فەتاح کەریم، فەرماندەی لیوای نۆزدەی پیادە، بەشی هۆشیاریی لیوا، زنجیرەیەک سیمیناری هۆشیارییان بۆ فەوجەکانی لیواکە ئەنجام دا.
مەبەستی سیمینارەکان، بەرزکردنەوەی ئینتیمای نیشتمانی و گەیاندنی ڕێنماییەکانی وەزارەتی کاروباری پێشمەرگە بوو، سەبارەت بە قەدەغەکردن و بڵاوکردنەوەی وێنەی ئەفسەر و پێشمەرگە بە جلی سەربازییەوە، هەروەها قەدەغەکردنی دانانی پەڕە و هەژمار (پەیج و ئەکاونت) بە ناوی یەکە سەربازییەکانی پێشمەرگە. هاوکات سووتاندن و ڕەشکردنەوەی ئەو پەیج و ئەکاونتانەی، کە پێشتر بە ناوی یەکە سەربازییەکانەوە داندراون.
