بەڕێوەبەرایەتیی میرەی گشتیی وەزارەتی کاروباری پێشمەرگە کۆتایی بە چەند خولێکی جیاواز هێنا
ڕۆژی پێنجشەممە ٣٠ی کانوونی دووەمی ٢٠٢٥، بە ئامادەبوونی عەمید فەرمان زراری، جێگری بەڕێوەبەری میرەی گشتی و بەرپرسی بەشی مەشق لە کۆمپانیای ئەمینتومی ئەمەریکایی و ئەفسەران و تیمی مامۆستایان و ڕاهێنەرانی ئەمینتوم، لە میرەی گشتی ڕێوڕەسمی کۆتاییهاتنی چەند خولێکی جیاواز بەڕێوەچوو.
لەو خولانەدا، ژمارەیەک ئەفسەر و کارمەندی بەڕێوەبەرایەتیی میرەی گشتی و لیواکانی سێ و دوازدەی ی پیادەی وەزارەتی پێشمەرگە، بە شێوەی پراکتیکی و زانستی مەشق و ڕاهێنانیان پێ کرا.
شایانی باسە، ئەم جۆرە خولانە لە چوارچێوەی بەرنامە و پرۆگرامێکی تایبەت لە ڕێگەی هاوپەیمانیی نێودەوڵەتی بە هاوکاری کۆمپانیای ئەمینتومی ئەمەریکایی پێشکەشی پێشمەرگە دەکرێن، بۆ ئەوەی ئەزموون و شارەزاییی زیاتر وەربگرن.
