فەرماندەی فەرماندەیيی هێزەکانی پشتیوانيی يه‌ك پێشوازی لە شاندێکی هاوپەیمانان کرد
ڕۆژى سێشه‌ممه ١٤ی کانوونی دووەمی ٢٠٢٥، فەریق سیهاد بارزانی، فەرماندەی فەرماندەیيی هێزەکانی پشتیوانيی يه‌ك، پێشوازی لە کۆڵۆنێڵ براست، بەرپرسی دەستەی ڕاوێژکارانی هاوپەیمانان بۆ کاروباری ئۆپەراسیۆن لە هەرێمی کوردستان و شاندی یاوەری کرد.
لە دیدارێکدا، گفتوگۆ لەبارەی پەیوەندی نێوان تیمەکانی هاوپەیمانان و فەرماندەیيی هێزەکانی پشتیوانيی یەک كرا، هه‌روه‌ها جەخت لە بەرەوپێشبردنی زیاتری پەیوەندییەکان كرايه‌وه.
هەر لە دیدارەکەدا، باس لە هاوکاريی هێزەکانی هاوپەیمانان بۆ هێزەکانی پێشمەرگە کرا، شاندی میوان بەردەوامی هاوکاری و هەماهەنگییەکانی بۆ پێشمەرگە دووپات کردەوە. فەرماندەی فەرماندەیيی هێزەکانی پشتیوانيی يه‌ك سوپاسی هاوکاری و هەماهەنگییەکانی هاوپەیمانانی کرد و بەردەوامیدانى بە هاوکارییەکان بە گرنگ و پێویست زانی.
