فەرماندەی فیرقەی چواری وەزارەتی کاروباری پێشمەرگە پێشوازی لە شاندێکی هاوپەیمانان کرد
ڕۆژى دووشه‌ممه ٢٠ی کانوونی دووەمی ٢٠٢٥، لیوا روکن زاتیار حه‌سه‌ن، فەرماندەی فیرقەی چواری پیادە، پێشوازی لە کۆڵۆنێڵ چاد، بەرپرسی تیمی ڕاوێژکارانی هاوپەیمانان و شاندێکی یاوەری كرد.
لە کۆبوونەوەیەکدا کە جێگری فەرماندەی فیرقە و سەرۆکئەرکانی فیرقە و ئەفسەرانی بارەگای فیرقە ئامادەی بوون، پێداویستی و کەموکوڕییەکانی فیرقەی چواری پیادە هەڵسەنگێندران، هەروەها گفتوگۆ لەبارەی بەرەوپێشچوونی کاروبارەکان كرا و پلانی پێشخستنیان لە ڕووی کارگێڕی و مەیدانیيه‌وه تاووتوێ کرا.
