لێکەوتە یاسایی و ئاسەوارە کوشندەکانی ماددەی هۆشبەر لە سیمینارێکدا تاوتوێکرا
ڕۆژی سێشەممە، ١ی تەمموزی ٢٠٢٥، لە هۆڵی میرەی گشتی وەزارەتی پێشمەرگە، دەیەمین سیمیناری هۆشیاری بۆ بەرەنگاربوونەوەی ماددە هۆشبەرەکان و کارتێکەرە عەقڵیەکان بۆ ئەفسەران و کارمەندانی فەوجی بەرگری وەزارەت لە لایەن لیژنەی باڵای ڕووبەڕوبونەوەی ماددە هۆشبەرەکان ئەنجامدرا.
عمید محمد سدیق، ئەندامی لیژنەی بەرەنگاربوونەوەی ماددە هۆشبەرەکان، لە وتارێکدا جەختی لە گرنگی بەردەوامبوونی پرۆسەی هۆشیاری بەرەنگاربوونەوەی ماددە هۆشبەرەکان لەناو یەکەکانی هێزی پشمەرگە کردەوە و بە ئەرکی هەمووانی زانی ڕووبەڕووی ئەو کێشە مەترسیدارە ببنەوە.
هەروەها دادوەر کوردەوان نەقشبەندی، سەرۆکی لیژنەی بەرەنگاربوونەوەی ماددە هۆشبەرەکان، باسی لە ماددە یاساییەکان کرد، زانیاری و ڕوونکردنەوەی پێویستی لەبارەی سزای یاسایی بۆ کەسی بەکارهێنەر و کەسی بازرگانیکار بە ماددەی هۆشبەر خستەڕوو.
لە تەوەری دووەمی سیمینارەکەدا، د.شاخەوان، ئەندامی لیژنەکە، باسی زیانی ماددە هۆشبەرەکانی لەسەر لایەنی عەقڵی و جەستەیی کرد و لێکەوتە و ئاسەوارە کوشندەکانی بۆ ئامادەبووان شیکردەوە.
