Skip to the content

هاوپەیمانان پاڵپشتیی پرۆسەی چاکسازیی هێزی پێشمەرگە دەکەن

‎ڕۆژی دووشەممە، ٢٨ی تەممووزی ٢٠٢٥، فەریق ڕوکن عیسا عوزێر، سەرۆکی ئەرکانی وەزارەتی کاروباری پێشمەرگە، پێشوازی لە کۆڵۆنێڵ سال، فەرماندەیی هێزەکانی هاوپەیمانان لە هەرێمی کوردستان و شاندێکی یاوەری کرد.
‎لە دیدارەکەدا، ڕێکخستنی کارەکانی سەرکردایەتیى دەڤەرەكان و یەکخستنەوەی هێزەکان تاووتوێ کرا و پاڵپشتی و هاوکارییەکانی هاوپەیمانان بۆ هێزی پێشمەرگە لە سەرخستنی ئەم پرۆسەیە بە پێویست زانرا.

‎سەرۆکی ئەرکان، ئاماژەی بەوەدا، کە هەموو توانایان دەخەنە گەڕ بۆ ئەوەی پێشمەرگە و توانا سەربازییەکانی لە هەموو ڕوویەکەوە بەهێزتر بکەن و هەوڵی بەردەوام هەیە بۆ ئەوەی کارەکانی فەرماندەیی دەڤەرەکان، بە هەماهەنگیی لەگەڵ ڕاوێژکارانی سەربازیی هاوپەیمانان جێبەجێ بکەن. سەرۆکی ئەرکان، ئاماژەی بەوەدا کە ئامانجیانە ناوچەی سەرکردایەتیى سەربازی و ۱۱ فیرقەی پیادەدا ڕێک بخەنەوە.
ئەم هەنگاوانە بەدەستهێنانی بەشێکی بنەڕەتییە لە ئامانجەکان، لە پرۆسەی چاکسازی و ڕێکخستنەوەی هێزی پێشمەرگەی کوردستان.