شاندێکی بنکەی هەماهەنگیی هاوبەشی خانەقین لیواکانی یەک و بیست و دووی پیادەی بەسەر کردەوە
ڕۆژى يه‌كشه‌ممه ٣ی ئاداری ٢٠٢٥، عه‌مید وەلید شاکر، بەرپرسی بنکەی هەماهەنگیی هاوبەشی خانەقین و شاندی یاوەری، بە جیا لیواکانی يه‌ك و بيست و دووی پیادەی وەزارەتی پێشمەرگەی بەسەر کردەوە.
لە دوو دیداری جیادا، گفتوگۆ لەبارەی هاوکاری و هەماهەنگیی هاوبەشی نێوان هێزەکانی پێشمەرگە و هێزە ئەمنیيەکانی عێراق لە سنووری چالاکيی لیواکان كرا، بۆ ئەمەش هەردوولا جەختیان لە باشترکردنی پەیوەندییەکان و هەماهەنگی نێوان هەردوولا كرده‌وه، لەپێناو دابینکردنی سەقامگیری و ئاسایشی زیاتر بۆ ناوچەکە.
