وەزیری کاروباری پێشمەرگە لەگەڵ بەرپرسی هاریکاريی ئاسایش لە کونسولخانەی ئەمه‌ریکا کۆبووه‌وه
ڕۆژى چوارشه‌ممه ٧ـی ئایاری ٢٠٢٥، شۆڕش ئیسماعیل، وەزیری کاروباری پێشمەرگە، به ئاماده‌بوونى عیسا عوزێر، سەرۆکی ئەرکان و ئەفسەرانی پلەباڵای وەزارەتی پێشمەرگە، پێشوازی لە مێجەر تۆم ستاوفەر، بەرپرسی نووسينگه‌ى هاریکاريی ئاسایش لە کونسولخانەی ئەمه‌ریکا لە هەرێمی کوردستان کرد و سەبارەت بە چەند پرسێکی پڕبایەخ و گرنگی وەزارەت و بەهێزترکردنی ژێرخانی سەربازيی هێزی پێشمەرگەی کوردستان گفتوگۆیان کرد.
شۆڕش ئيسماعيل ڕایگەیاند: وەزارەتی پێشمەرگە لە قۆناغێکی بەهێز و بەرەوپێشچووندایە، هەمووان وەک تیمێكی پێکەوەیی کار بۆ سەرخستنی چاکسازی له وه‌زاره‌ت ده‌كه‌ين، بە هاوکاريی هاوپەیمانان، بە تایبەت ئەمه‌ریکا.
مێجەر تۆم، پاڵپشتيی هێزەکانی ئەمه‌ریکای بۆ وەزارەتی پێشمەرگە دووپات کردەوە و ڕایگەیاند: بەردەوام دەبین لە پشتیوانيی چاکسازی و هاوکارتان دەبین بۆ گەیشتن بە ئەنجامی گرنگ، کە بتوانرێت هێزی پێشمەرگە بەهێزتر و دامەزراوەیيتر بکات.
