بەڕێوەبەرایەتیی هۆشیاريی نیشتمانی كۆتايى به خولی جەنگی ئەلیکترۆنی هێنا
خولی دووڕۆژەی (جەنگی ئەلیکترۆنی) لە بەڕێوەبەرایەتیی هۆشیاريی نیشتمانی، بەسەرکەوتوویی کۆتایی هات. ئەم خولە کە لە چوارچێوەی پلانی ساڵانەی بەڕێوەبەرایەتيی هۆشیاريی نیشتمانی و پلانی مەشقی ساڵی ٢٠٢٥ی وەزارەتی پێشمەرگە جێگیر کرابوو بۆ ژماره‌يه‌ك کارمەندی بەڕێوەبەرایەتيی گشتيی ڕاگەیاندن و هۆشیاری ڕێکخرابوو.
له ماوه‌ى خوله‌كه‌دا، چوار وانەی سەرەکی پێشکەش کران، کە بریتی بوون لە جەنگی ئەلیکترۆنی، سایکۆلۆژیای سەربازی، جەنگ لە سەردەمی ژیریی دەستکرد و زانستی کۆمپیوتەر.
وانەبێژانى خوله‌كه ئەفسەر و کارمەندانی شارەزای بەڕێوەبەرایەتيی هۆشیاريی نیشتمانی بوون، بە شێوەیەکی زانستی و پیشەیی بابەتەکانیان شیکردەوە و زانیاريی پێویستیان بە بەشداربووان بەخشی. لە کۆتایيی خولەکەشدا، بڕوانامە بە بەشداربووان بەخشرا.
