سەرۆكی دەستەی ژینگە پێشوازیی لە بەڕێوەبەری هەرێمی ڕۆژهەڵاتی ناوەڕاست و باكووری ئەفریقیای یەكێتیی جیهانی بۆ پاراستنی ژینگە و كەشوهەوا كرد
![](/media/19430/whatsapp_image_2023-04-27_at_110653_am__1_-1400.jpg?anchor=center&mode=crop&width=1200&height=630&rnd=133270729820000000)
سەرۆكی دەستەی ژینگە پێشوازیی لە بەڕێوەبەری هەرێمیی ڕۆژهەڵاتی ناوەڕاست و باكووری ئەفریقیای یەكێتیی جیهانی بۆ پاراستنی ژینگە و كەشوهەوا كرد.
ڕۆژى پێنجشەممە، ٢٧ى نیسانی ٢٠٢٣، عەبدولرەحمان سدیق، سەرۆكی دەستەی ژینگە، بە ئامادەبوونی بەڕێوەبەرانی نووسینگە و فەرمانگەی هۆشیاركردنەوەی ژینگەیی و ڕاگەیاندن، پێشوازی لە عەبدولرەحمان دۆسكی، بەڕێوەبەری هەرێمیی ڕۆژهەڵاتی ناوەڕاست و باكووری ئەفریقیای یەكێتیی جیهانی بۆ پاراستنی ژینگە و كەشوهەوا كرد.
لە كۆبوونەوەكەدا باس لە هەنگاوەكانی ئامادەكاری بۆ بۆنەی ڕۆژی جیهانیی ژینگە لە هەرێمی كوردستان کرا، بە بەشداریی فراوانی دامودەزگاكانی حكومەتی هەرێم و نوێنەرانی وڵاتان و ڕێكخراوەكان و میدیا و لایەنە پەیوەندیدارەكان.