سه‌رۆكی ده‌سته‌ی ژینگه پێشوازیی له شاندی باڵیۆزخانه‌ی به‌ریتانیا كرد
ڕۆژی یه‌كشه‌ممه ٢٧ـی ئابی ٢٠٢٣، پێشوازیی له شاندێكی باڵیۆزخانه‌ی به‌ریتانیا له به‌غدا كرد، كه‌پ ێكهاتبوو له رۆس كۆڤێرده‌یل، به‌ڕێوه‌به‌ری گه‌شه‌پێدانی عێراق، رۆب ئێلسۆرس راوێژكاری كه‌ش و هه‌وا و ژینگه.
له دیدارێكدا، سه‌رۆكی ده‌سته‌ی پاراستن و چاککردنی ژینگه‌ی هه‌رێمی كوردستان دوایین ئاماده‌كارییه‌كانی ده‌سته‌ی پاراستن و چاککردنی ژینگه‌ی خسته ڕوو، سه‌باره‌ت به‌كۆنفڕانسی داهاتووی كه‌ش و هه‌وا، تیشكیشی خسته سه‌ر كۆبوونه‌وه‌ی فراوانی نێوان وه‌زاره‌تی ژینگه‌ی حکومەتی فیدراڵ و ده‌سته‌ی پاراستن و چاککردنی ژینگه‌ی هه‌رێمی كوردستان له‌هه‌فته‌ی یه‌كه‌می مانگی داهاتوو .
له به‌شێكی دیكه‌ی دیداره‌كه‌دا، عه‌بدولڕه‌حمان سدیق، "ڕێبه‌ری وه‌به‌رهێنانی سه‌وز"ی پێشكه‌ش به‌شاندی میوان كرد كه‌ده‌یان پڕۆژه‌ی ژینگه‌یی له‌خۆ ده‌گرێت بۆ جێبه‌جێكردنیان له‌هه‌رێمی كوردستان، گه‌ڵاڵه كراون.
