ده‌سته‌ی ژینگه و سه‌رۆكایه‌تیی داواكاری گشتی بۆ پاراستنی ژینگەى کوردستان هاوکاری دەکەن
ڕۆژى ١١ ى ئەیلوولی ٢٠٢٣، ئه‌ندازیار عه‌بدولره‌حمان سدیق، سه‌رۆكی ده‌سته‌ی ژینگه‌ی هه‌رێمی كوردستان پێشوازیی له دادوه‌ر كاوه فه‌تحی مه‌عسووم، سه‌رۆكی داواكاری گشتیی هه‌رێمی كوردستان كرد.
له میانی كۆبوونه‌وه‌كه‌دا پێشنیاز كرا ده‌سته‌ی ژینگه و سه‌رۆكایه‌تیی داواكاری گشتی، پێكه‌وه له‌گه‌ڵ نوێنه‌رانی وه‌زاره‌ت و ده‌سته‌كان كۆبوونه‌وه‌ی هاوبه‌ش بکەن به مه‌به‌ستی باشتر كاراكردنی یاسا و ڕێنماییه ژینگه‌ییه‌كان بۆ پاراستنی به‌رژه‌وه‌ندیی گشتی و سه‌لامه‌تیی ژینگه‌ی كوردستان کار بکەن.
