سیستمی ئاگاداركردنه‌وه‌ی پێشوه‌خته‌ بۆ مادده‌ تیشكاوه‌ره‌كان لە فه‌رمانگه‌ی ژینگه‌ی هه‌ڵه‌بجه‌ و ئیداره‌ی زاخۆ و ئیداره‌ی راپه‌ڕین دانرا

ڕۆژی سێشەممە ٩یکانوونی دووەمی ٢٠٢٤، ئه‌ندازیار عه‌بدولڕه‌حمان سدیق، سه‌رۆكی ده‌سته‌ی ژینگه‌ی هه‌رێمی كوردستان پێشوازیی له‌شاندێكی ناوه‌ندی خۆپاراستن له‌تیشكی سه‌ر وه‌زاره‌تی ژینگه‌ی عێڕاق کرد.

له‌كۆبوونه‌وه‌كه‌دا سه‌رۆكی ده‌سته‌ی ژینگه‌ سوپاسی هه‌ماهه‌نگیی و دانانی سیستمی ئاگاداركردنه‌وه‌ی پێشوه‌خته‌ له‌مادده‌ تیشكاوه‌ره‌كان له‌فه‌رمانگه‌كانی ژینگه‌ی پارێزگاكانی هه‌ولێرو سلێمانی و دهۆك له‌ساڵانی رابووردوودا کرد ، و هه‌روه‌ها سوپاسی هاتنی ئه‌مجاره‌شی كردن بۆ دانانی هه‌مان سیستم له‌فه‌رمانگه‌ی ژینگه‌ی هه‌ڵه‌بجه‌ و ئیداره‌ی زاخۆ و ئیداره‌ی راپه‌ڕین،و  پیشنیازی دانانی سیستمه‌كه‌شی كرد له‌هه‌نگاوی دواتردا له‌هه‌ر یه‌ك له‌فه‌رمانگه‌ی ژینگه‌ی ئیداره‌ی گه‌رمیان و فه‌رمانگه‌ی ژینگه‌ی ئیداره‌ی سۆران.