سه‌رۆكی ده‌سته‌ی ژینگه پێشوازی له سه‌رۆكی ده‌سته‌ی سه‌ربه‌خۆی مافی مرۆڤ کرد
ڕۆژی سێشەممە ٢١ـی ئایاری ٢٠٢٤، ئه‌ندازیار عه‌بدولڕه‌حمان سدیق، سه‌رۆكی ده‌سته‌ی پاراستن و چاککردنی ژینگه‌ی هه‌رێمی كوردستان، پێشوازی لە د. مونا یاقۆ، سه‌رۆكی ده‌سته‌ی سه‌ربه‌خۆی مافی مرۆڤ کرد.
له كۆبوونه‌وه‌كه‌دا بە مەبەستی هەماهەنگی و کاری هاوبەش، باس له په‌یوه‌ندی نێوان ژینگه و مافه‌كانی مرۆڤ كرا، له‌به‌ر ڕۆشناییی مادده‌ى ٣٣ی ده‌ستووردا، كه تێیدا هاتووه؛ هه‌موو كه‌سێك مافى ژیانى له ژینگه‌یه‌كى سه‌لامه‌تدا هەیە، هه‌روه‌ها ده‌وڵه‌ت پاراستنى ژینگه و زینده‌جۆره‌كان و پاراستنیان له‌ئه‌ستۆ ده‌گرێت.
