سه‌رۆكی ده‌سته‌ی ژینگه پێشوازی له كونسولی گشتیی كۆماری ئه‌رمینیا كرد
ڕۆژی دووشەممە ٢٠ـی ئایاری ٢٠٢٤، ئه‌ندازیار عه‌بدولڕه‌حمان سدیق، سه‌رۆكی ده‌سته‌ی پاراستن و چاککردنی ژینگه‌ی هه‌رێمی كوردستان، پێشوازی له ئه‌ندرانێك هارووتوینیان، كونسولی گشتیی كۆماری ئه‌رمینیا به‌وه‌كاله‌ت کرد.
له كۆبوونه‌وه‌ی نێوانیاندا، سه‌رۆكی ده‌سته‌ی ژینگە، تیشكی خسته سه‌ر پێكهاته‌ی ده‌سته و یاسا و ڕێنماییه ژینگه‌ییه به‌ركاره‌كان، كونسولی گشتیی ئه‌رمینیاش باسی له‌و بوارانه كرد كه كۆمپانیاكان و كه‌رتی تایبه‌ت له كۆماری ئه‌رمینیا خوازیارن و ده‌توانن وه‌به‌رهێنانی تێدا بكه‌ن، بۆ ئه‌و مه‌به‌سته‌ش سه‌رۆكی ده‌سته‌ی ژینگه (ڕێبه‌ری وه‌به‌رهێنانی سه‌وز)ـی پێشكه‌ش به كونسولی گشتی كرد، كه ده‌یان پرۆژه‌ی ژینگه‌یی له‌خۆ گرتووه و له‌لایه‌ن ده‌سته‌ی وه‌به‌رهێنان و ده‌سته‌ی ژینگه‌وه ئاماده كراوه.
