دادگای بازرگانی هەولێر داوایەکی لە دژی وەزیری سامانە سروشتییەکان رەتکردەوە
هەولێر، هەرێمی کوردستان، عێراق (GOV.KRD)- دادگای بازرگانی هه‌ولێر بڕیارێکی دا سه‌باره‌ت به داواكارییه‌كی هیدایه‌ت حه‌مه‌د کە سكاڵای یاسایی له‌سه‌ر وه‌زیری سامانه سروشتییه‌كان و به‌ڕێوه‌به‌ری ڕێگه‌پێدراوی كۆمپانیای ADDAX و به‌ڕێوه‌به‌ری ڕێگه‌پێدراوی كۆمپانیای (Genel Energy International Itd) ی تۆماری كردبوو.
سکاڵاکەی داواکار تایبەت بوو بە داوا کردنی پارچه زه‌ویەک کە بێبه‌ش کراوە لێی له سنووری شارۆچكه‌ی ته‌ق ته‌ق و داوای کردووە بڕیارێك بدرێت بۆ ئه‌وه‌ی سوود له زه‌وییه‌كه‌ی وەرگرێت و بڕیارێك بدات بۆ هه‌ڵوه‌شاندنه‌وه‌ی گرێبه‌ستەکەی نێوانیان و بانگهێشتی داوالێكراوان بۆ ئه‌وه‌ی ده‌ست له زه‌وییه‌كه‌ی هه‌ڵبگرن، ئەوەش لەسەر ئەو بنەمایەی کە دادگای فیدڕاڵی یاسای نه‌وت و غازی هه‌رێمی كوردستانی هه‌ڵوه‌شاندووه‌ته‌وه و به ناده‌ستووری له قه‌ڵه‌م داوه.
بەڵام دادگای بازرگانی هەولێر ئاماژە بەوەدەکات کە، یاسای نەوت و غازی هەرێمی کوردستان – عێراق، ژمارە ٢٢ی ساڵی ٢٠٠٧ لەلایەن دەسەڵاتی یاسادانان لە هەرێمی کوردستان دەرچوێنراوە و دەسەڵاتەکانی پیادە بەپێی دەستووری عێراقی ساڵی ٢٠٠٥ دەکات، هەروەها یاسای نەوت و غازی هەرێمی کوردستان رەوایەتی و دەستووری بوونی سەلمێنراوە لە بەیاننامەی ئەنجومەنی دادوەری هەرێمی کوردستان ژمارە (١٥١١) لە رێکەوتی ١٨ی ئایاری ٢٠٢٢.
بۆیە له سۆنگه‌ی دروستی گرێبه‌سته‌كان و جێبه‌جێكردنیان، داواكاری داواكار ڕه‌ت ده‌كرێته‌وه و لە هەمان کاتدا سوودمه‌ند بووه له موڵكی گشتی و له گرێبه‌ستی هه‌موو ئه‌و بابه‌تانه‌ی په‌یوه‌ستن به نه‌وت و پێكهاته‌كانی سوودمه‌ند بووه، بۆیه له ئه‌نجامی هه‌موو ئه‌و ورده‌كاریی و ڕوونكردنه‌وانه‌دا دادگا ئه‌م بڕیارانه‌ی خواره‌وه‌ی ده‌ركرد:
١. داواكاریی هیدایه‌ت حه‌مه‌د ڕه‌سووڵ ره‌ت كراوه‌یه.
٢. داواكاری داواكار سه‌باره‌ت به داوالێكراوی دووه‌م كه به‌ڕێوه‌به‌ری ڕێگه‌پێدراوی كۆمپانیای (ADDAX) و ئه‌ركه‌كه‌یه‌تی به پشتبه‌ستن به مادده‌كانی ٨٨،٨٩،٢١٦ یاسای مورافه‌عات هه‌ڵوه‌شاوه‌یه.
٣. داواكاری داواكار سه‌باره‌ت به داوای نه‌یاره‌تی نه‌كردن و دژایه‌تینه‌كردنی و چاوپۆشیلێكردنی هه‌ڵوه‌شاوه‌یه.
٤. داواكار خه‌رجی و كرێی بریكارانی هه‌ردوو داوالێكراوی یه‌كه‌م و سێیه‌م كه بڕه‌كه‌ی ٢٠ هه‌زار دیناره له ئه‌ستۆ ده‌گرێت و به یه‌كسانی به‌سه‌ریاندا دابه‌ش ده‌كرێت و بڕیاره‌کە شیاوی تێهه‌ڵچوونه‌وه و ته‌میز كردنه.
بڕیارى 89_ دادگاى بازرگانى_ 2022.PDF - Google Drive
فەرمانگەی میدیا و زانیاری
٤ی تەمووزی ٢٠٢٢