خزمه‌تگوزاریی پێویست ده‌گه‌یه‌نرێته زه‌وییه‌كانی 8 ی حه‌سارۆك
هەولێر، هەرێمی کوردستان، عێراق (GOV.KRD)- ئه‌مڕۆ چوارشه‌ممه ڕێكه‌وتی 18ی ئایاری 2022، سه‌رۆكایه‌تی دیوانی ئه‌نجوومه‌نی وه‌زیران نووسراوێكی ئاراسته‌ی وه‌زاره‌تی شارهوانی و گه‌شتوگوزار كردووه و داوای لێكردوون هه‌رچی زووه ته‌واوی ئه‌و كارانه‌ی پێویستن ئه‌نجامی بده‌ن بۆ ئه‌وه‌ی خزمه‌تگوزاریی پێویست بگه‌یه‌نرێته زه‌وییه‌كانی 8 ی حه‌سارۆك.
دوای كۆبوونه‌وه‌ی به‌ڕێوه‌به‌ری نووسینگه‌ی سه‌رۆكوه‌زیرانی حكومه‌تی هه‌رێمی كوردستان و سه‌رۆكی دیوانی ئه‌نجوومه‌نی وه‌زیران له‌گه‌ڵ وه‌زیری شارهوانی و گه‌شتوگوزار، به مه‌به‌ستی گه‌یاندنی خزمه‌تگوزاریی پێویست بۆ پارچه زه‌وییه‌كانی هه‌شتی حه‌سارۆك له شاری هه‌ولێر، سه‌رۆكایه‌تی دیوانی ئه‌نجوومه‌نی وه‌زیران بڕیاری داوه به زووترین كات كاری پێویست بۆ ئه‌م مه‌به‌سته ئه‌نجام بدرێت و خزمه‌تگوزاریی بگه‌یه‌نرێته ئه‌و زه‌ویانه بۆ ئه‌وه‌ی هاووڵاتیان بتوانن سوود له زه‌وییه‌كانیان وه‌ربگرن.
فه‌رمانگه‌ی میدیا و زانیاری
18 ی ئایاری 2022