بە فەرمانی سەرۆکی حکومەت سێ لیوا لەسەر میلاکی وەزارەتی پێشمەرگە پێکهێنران
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
لە چوارچێوەی جێبەجێکردنی پڕۆژەی یاسای چاکسازی و یەکخستنەوەی هێزی پێشمەرگەی کوردستان، بە فەرمانی مەسرور بارزانی، سەرۆکی حکومەتی هەرێمی کوردستان، ٣ لیوا لە وەزارەتی پێشمەرگە پێکهێنران، کە بریتیین لە (لیوای ٢٦، لیوای ٢٨، لیوای ٣٠).
لیواکان لەسەر میلاکی وەزارەتی پێشمەرگە پێکهێنراون و لە ڕۆژی دەرچوونی فەرمانی دامەزراندنیان، کە دەکاتە ڕێکەوتی ٨ـی٨ـی ٢٠٢٣، دەچێتە بواری جێبەجێکردنەوە.
فەرمانگەی میدیا و زانیاری