سەرۆکی حکومەتی هەرێم ڕەزامەندی دا لەسەر خەرجکردنی زیاتر لە ٢٠ ملیار دینار بۆ سنوری پارێزگای سلێمانی
لە چوارچێوەی گرنگیدانی کابینەی نۆیەمی حکومەتی ھەرێمی کوردستان بە خزمەتکردنی ھاووڵاتیانی ھەرێمی کوردستان،بە ڕەچاوکردنی بەرژەوەندی گشتی لە پارێزگاکان و ئیدارە سەربەخۆکانی ھەرێمی کوردستان، مەسرور بارزانی،سەرۆکی حکومەتی هەرێمی کوردستان،ڕەزامەندی دا لەسەر تەرخانکردن و خەرجکردنی گوژمەی ٢٠ ملیار و ٨٤٨ ملیۆن دینار بۆ ماوەی ٣ ساڵ، بەمەبەستی گواستنەوەو کۆکردنەوە و داپۆشینی خۆڵ و خاشاک لە سنووری بەڕێوەبەرایەتی گشتی شارەوانیەکانی سلێمانی، گوژمەی ٩ ملیار و ٩٧٥ ملیۆن بۆ ماوەی ٣ ساڵ بۆ سنوری زۆنی (٢) دوكان، گوژمەی ١٠ ملیار و ٨٧٣ ملیۆن بۆ ماوەی ٣ ساڵ بۆ سنوری زۆنی (٣)چەمچەماڵ لەسەر بودجەی بەڕێوەبەرایەتی گشتی شارەوانیەکانی سلێمانی خەرج دەکرێت.