شاندێکی حکومەتی هەرێم سبەى سەردانی بەغدا دەکەن
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
شاندێکی حکومەتی هەرێمی کوردستان دەچێتە بەغدا و ڕۆژی چوارشەممە لەگەڵ لیژنەی داراییی ئەنجومەنی نوێنەران کۆ دەبنەوە.
سبەی سێشەممە 17ـی تشرینی یەکەمی ٢٠٢٣، لەسەر پێشنیارى حکومەتی هەرێمی کوردستان، شاندێکی هەرێمی کوردستان دەچێتە بەغدا؛ ڕۆژی چوارشەممەش لەبارەی پرسەکانی مووچە و بودجە لەگەڵ لیژنەی داراییی ئەنجومەنی نوێنەرانی عێراق کۆ دەبنەوە.
شاندەکە لە ئاوات شێخ جەناب، وەزیری دارایی و ئابووری، ئومێد سەباح، سەرۆکی دیوانی ئەنجومەنی وەزیران، ئامانج ڕەحیم، سکرتێری ئەنجومەنی وەزیران و عەبدولحەکیم خەسرەو، سەرۆکی فەرمانگەی هەماهەنگی و بەدواداچوون و ژمارەیەک ڕاوێژکار پێک دێن.
فەرمانگەى میدیا و زانیاری