نەوتی سپی بۆ ناوەندەکانی خوێندن دابین دەکرێت
![](/media/18496/هاوڵاتیانى-سەیدساق-دابەشکردنى-نەوت-بۆ-سبەى.jpg?anchor=center&mode=crop&width=1200&height=630&rnd=133218713360000000)
بە فەرمانی مەسرور بارزانی، سەرۆکوەزیرانی هەرێمی کوردستان شەش ملیۆن و ٦٠٠ هەزار لیتر نەوتی سپی بۆ ناوەندەکانی خوێندنی حکومیی سەرجەم شار و شارۆچکەکان دابین دەکرێت.
وەزارەتی پەروەردە دەڵێت، پرۆسەی دابەشکردنی نەوت ڕۆژی پێنجشەممە ٥ـی تشرینی یەکەمی ئەمساڵ دەست پێ دەکات.
وەزارەتی پەروەردە داوا لە ناوەندەکانی خوێندن دەکات: دڵنیابن لە بوونی بەڵگەنامەی ڕێگەپێدانی وەزارەتی سامانە سرووشتییەکان سەبارەت بە کوالێتیی نەوتی دابینکراو بۆیان، هیچ جۆرە نەوتێک وەرناگیرێت بەبێ بوونی بەڵگەنامەی شیاوێتی وەزارەتی سامانە سرووشتییەکان.
فەرمانگەی میدیا و زانیاری