سێ ئۆتۆمبێلی ئاگرکوژێنەوە بۆ بەڕێوەبەرایەتیی بەرگریی شارستانیی پارێزگاکان دابین دەکرێت
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
حکومەتی هەرێمی کوردستان بۆ زیاتر گرنگیدان بە بەرگریی شارستانی و پاراستنی گیانی هاووڵاتییان، بڕیاری تەرخانکردن و خەرجکردنی ١١ ملیار و ٢٧٨ ملیۆن و ٥٧٥ هەزار دیناری بە مەبەستی دابینکردن و کڕینی سێ ئۆتۆمبێلی ئاگرکوژێنەوە، لە جۆری ١٠٠ مەتری بۆ هەرسێ بەڕێوەبەرایەتیی بەرگریی شارستانیی پارێزگاکانی هەولێر، سلێمانی، دهۆک دا.
گوژمەکە بەشێوەی نەختینە و بە قۆناغ لەسەر بودجەی وەزارەتی ناوخۆ خەرج دەکرێت.
فەرمانگەی میدیا و زانیاری