بڕیارێك لە بەرژەوەندیی كەسوكاری شەهیدانی شەڕی دژ بە داعش دەرچوو
![](/media/16946/وەزارەتی-دارایی-و-ئابووری-1400.jpg?anchor=center&mode=crop&width=1200&height=630&rnd=133141837950000000)
وەزارەتی دارایی و ئابووریی حكومەتی هەرێمی كوردستان ڕێنماییی پاكتاوكردنی پێشینە كشتوكاڵییەكانی لەسەر بنەماڵەی شەهیدانی شەڕی داعش لەسەر بودجەی وەزارەت دەركرد.
وەزارەتی دارایی و ئابووری ڕێنمایی دارایی ژمارە (1) ی ساڵی 2024 ی بڵاو كردەوە كە تێیدا سەرجەم پێشینە كشتوكاڵییەكان لەسەر بودجەی وەزارەت پاكتاو دەكرێن كە وەك قەرز لە ئەستۆی شەهیدانی سەنگەری بەرەكانی شەڕی دژ بە داعشدا ماوەتەوە.
ئەمەش پێشمەرگە و هێزەكانی ئاسایشی ناوخۆ و هاووڵاتییانی خۆبەخش و فەرمانبەرانی ڕاژەی شارستانی دەگرێتەوە.
ڕێنماییەكە بە پاڵپشتیی نووسراوی ئەنجومەنی وەزیران ژمارە (1619) ی 31 ی 1 ی 2024 دەرچووە.
فەرمانگەی میدیا و زانیاری