بۆ گەشەپێدانی ژینگە حکومەت ساڵانە ملیارێک و ٧٠٠ ملیۆن دینار لە نەمامگەکان خەرج دەکات
![](/media/24922/whatsapp-image-2024-01-30-at-122624_4a56b5ce.jpg?anchor=center&mode=crop&width=1200&height=630&rnd=133510806650000000)
وەزارەتی کشتوکاڵ و سەرچاوەکانی ئاوی حکومەتی هەرێمی کوردستان، سەرپەرشتیی 30 نەمامگە دەکات کە ساڵانە ملیارێک و ٧٠٠ ملیۆن دیناریان تێدا خەرج دەکرێت و هەلیکاریان بۆ ١٦١ کەس ڕەخساندووە.
هەڵکەوت عەبدولرەحمان، بەڕێوەبەری گشتیی باخ و پاوان و دارستان لە وەزارەتی کشتوکاڵ، بە فەرمانگەی میدیا و زانیاریی ڕاگەیاندووە: "لەو نەمامگانەوە نەمام بە نرخی پاڵپشتیکراو و زۆر ڕەمزی بە خەڵک و پرۆژەکان دەفرۆشرێت، کە زۆرجار لە تێچووی بەرهەمهێنانەکەیان کەمترە، ئەوەش پاڵپشتییە بۆ جوتیار و هاووڵاتییان تا بە ئاسانی نەمامیان بەدەست بگات".
لە هەرێمی کوردستاندا، ڕووبەری دارستان و پاوان، نزیکەی ١٠ ملیۆن دۆنم زەوی پێک دەهێنن، حکومەتی هەرێمیش لە ڕێگەی هاندانی نەمامگەکان و پرۆسەی ڕێکخراوی چاندنەوە، خواستییەتی ڕێژەی سەوزایی بۆ ڕووبەڕووبوونەوەی گۆڕانی کەشوهەوا زیاتر بکات.
فەرمانگەی میدیا و زانیاری