219 ملیۆن لیتر نەوت بەسەر هاووڵاتییاندا دابەش کراوە
وەزارەتی سامانە سروشتییەکانی حکومەتی هەرێمی کوردستان، بڵاوی کردەوە، ٢١٩ ملیۆن لیتر نەوت بەسەر هاووڵاتییاندا دابەش کراوە و تا ئێستاش ٨٥٪ی خێزانەکان نەوتیان وەرگرتووە.
لە زانیارییەکەدا هاتووە؛ پارێزگای هەولێر ٩٣ ملیۆن و سلێمانی نزیکەی ٨٠ ملیۆن و دهۆکیش زیاتر لە ٤٦ ملیۆن لیتر نەوتیان بەر کەوتووە.
بەوەش زیاتر لە ٨٥٪ی خێزانەکان نەوتیان وەرگرتووە و لێی سوودمەند دەبن.
هاوکات نزیکەی ملیۆنێک و ٣٠٠ هەزار لیتر بەنزینی نۆرماڵ بۆ هاووڵاتییان دابین کراوە.
فەرمانگەی میدیا و زانیاری