قوتابخانەکان بۆ ڕێزگرتن لە گیانی قوربانییانی هێرشە مووشەکییەکەی شاری هەولێر خولەکێک وەستان
ئەمڕۆ یەکشەممە، ٢١ی کانوونی دووەمی ٢٠٢٤، سەرجەم قوتابخانەکان، بەر لە دەستپێکردنی یەکەم وانە، لە گۆڕەپانی گشتیدا خولەکێک بۆ گیانی قوربانییانی هێرشە مووشەکییەکەی سەر شاری هەولێر وەستان و سروودی ئەی ڕەقیبیان گوتەوە.
دوێنێ، ٢٠ی کانوونی دووەمی ٢٠٢٤، وەزارەتی پەروەردە داوای لە هەموو ناوەندە حکومی و ناحکومییەکانی خوێندن کرد، بۆ ڕێزگرتن لە گیانی قوربانییانی هێرشە مووشەکییەکانی سوپای پاسدارانی ئێران بۆ سەر شاری هەولێر کە لە ١٥ی کانوونی دووەمی ٢٠٢٤ ڕوویدا، خولەکێک بوەستن و سروودی نیشتمانیی ئەی ڕەقیب بڵێنەوە.
فەرمانگەی میدیا و زانیاری
