لە ساڵی ڕابردوودا 12 هەزار و 334 قوتابی گەڕێندراونەتهوە بەر خوێندن
![](/media/14691/photo_2022-09-13_12-07-09.jpg?crop=0,0.026645849596669269,0,0.18646890450169137&cropmode=percentage&width=1200&height=630&rnd=133649043940000000)
كابینەی نۆیەمی حكومەتی هەرێمی كوردستان، لە گەڕاندنەوە و شیاندنەوەی منداڵان بۆ پرۆسەی خوێندن بەردەوامە.
وەزارەتی پەروەردەی حکومەتی هەرێمی کوردستان، ئەمڕۆ دووشەممە ٨ ی تەممووزی ٢٠٢٤ ڕایگەیاند: "بە هاوکاریی ڕێکخراوی یونیسێف و چەندین ڕێکخراوی دیکەی نێودەوڵەتی و ناوخۆیی، لە ساڵی خوێندنی ٢٠٢٣ - ٢٠٢٤، توانراوە ١٢٣٣٤(دوازدە هەزار و سێسەد و سی و چوار) منداڵ بگەڕێنرێنەوە بهر پرۆسهى خوێندن.
ئاماژەی بەوەش داوە: کۆی گشتیی ئەو منداڵانەی لە ماوەی ڕابردوودا گەڕاونەتەوە بەر خوێندن، بریتین لە ٢٦ هەزار و ٣٨٤ منداڵ.
سەرباری خراپیی دۆخی ئابووری و سەپاندنی قەیرانی دارایی بەسەر هەرێمی كوردستاندا، هەوڵەكانی وەزارەتی پەروەردە و ڕێكخراوە نێودەوڵەتییەكان بۆ گەڕانەوەى منداڵان بۆ پرۆسەی خوێندن بەردەوامە.
فەرمانگەی میدیا و زانیاری