بە گوژمەی ٥٩٠ ملیۆن دینار پرۆژەیەکی ئاو لە ڕەواندز جێبەجێ دەکرێت
![](/media/27575/082f09c4-e604-4eba-b4a6-68e21ff8f09d.jpeg?anchor=center&mode=crop&width=1200&height=630&rnd=133635494860000000)
پرۆژەیەکی نوێی گەیاندنی ئاو لە ڕەواندز جێبەجێ دەکرێت و ئاو دەگەیەنێتە چەندین گوندی قەزاکە.
دانانی بۆڕیی ئاوی خواردنەوە، لە بێخاڵەوە بۆ دۆڵی ئاکۆیان و دەوروبەری قەزای ڕەواندز، ئاوی سازگاری بێخاڵ بۆ چەندین گوند دەگوازێتەوە و هاووڵاتییانی ئەو گوندانە لە کەمیی ئاو ڕزگار دەکات.
تێچووی پرۆژەکە ٥٩٠ ملیۆن دینارە، درێژیی پڕۆژەکە ٦ کیلۆمەترە؛ لە لایەن کۆمپانیای ناوخۆیییەوە جێبەجێ دەکرێت و لە ماوەیەکی نزیکدا تەواو دەبێت.
جگە لە دابینکردنی ئاوی خواردنەوە، پرۆژەکە سوودی گەشتوگوزاری، باخداری و کشتوکاڵیشی بۆ هاووڵاتییانی ناوچەکە دەبێت.
بەشێک لە هاووڵاتییانی ناوچەکە، دەستخۆشی لە حکومەتی هەرێمی کوردستان دەکەن، کە بەردەوام لە خەمی هاووڵاتییاندایە و سەرباری قەیرانە داراییەکان، پرۆژەکان بۆ خۆشگوزەرانییەکی زۆرتر بەردەوامن.
فەرمانگەی میدیا و زانیاری