سبەی پێنجشەممە لە هەرێمی کوردستان پشووی فەرمییە
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
سبەی پێنجشەممە، ١٤ ی ئاداری ٢٠٢٤، لە سەرجەم دامودەزگاکانی هەرێمی کوردستان پشووی فەرمییە.
پشووەکەی ١٤ ی ئادار لە ڕۆژژمێری فەرمیی حکومەتی هەرێمی کوردستان دیاری کراوە و بە بۆنەی لەدایکبوونی بارزانیی نەمرەوەیە.
بارزانیی نەمر، سەرکردەی بزووتنەوەی ڕزگاریخوازی گەلی کورد و هەڵگیرسێنەری شۆڕشی ئەیلوول، لە ١٤ ی ئاداری ١٩٠٣ لە بارزان، لەدایک بووە؛ لە ماوەی ژیانی شۆڕشگێڕانەی خۆیدا، خزمەتێکی گەورەی بە بزووتنەوەی ئازادیخوازیی کوردستان و مافە نەتەوەییەکانی گەلی کورد کردووە.
فەرمانگەی میدیا و زانیاری