دۆخی کارەبا بە تەواوی ئاسایی بووەتەوە
![](/media/16951/وەزارەتی-کارەبا-1400.jpg?anchor=center&mode=crop&width=1200&height=630&rnd=133141837960000000)
لە پاش هێرشەکانی سەر کێڵگەی کۆرمۆر کە بووە هۆی کەمبوونەوەی بەرهەمهێنانی ٢٥٠٠ مێگاوات کارەبا، ئێستا دۆخی کارەبا ئاسایی بووەتەوە.
ئومێد ئەحمەد، گوتەبێژی وەزارەتی کارەبا، بە فەرمانگەی میدیا و زانیاریی ڕاگەیاند: "بەڕێکردنی غاز بۆ وێستگەکانی کارەبا ئاسایی بووەتەوە، ٩٥٪ ی پێدانی کارەباش ئاسایی بووەتەوە کە ئێستا ٣٦٠٠ مێگاوات بەرهەم دێت".
گوتیشی: "کاتەکانی پێدانی کارەبا لە هەندێک شوێن لە ١٨ - ١٩ کاتژمێر نزیک بووەتەوە و کەمترین پێدانیش ١٥- ١٦ کاتژمێرە".
ڕۆژی ٢٦ ی نیسانی ٢٠٢٤، هێرشێکی درۆنی کرایە سەر کێڵگەی غازی کۆرمۆر لە سنووی قەزای چەمچەماڵ و بە هۆیەوە چوار کارمەندی یەمەنی کێلگەکە کوژران و ناردنی غاز بۆ وێستگەکان کەم بووەوە؛ لەو ساتەوە حکومەتی هەرێم هەوڵەکانی بۆ چاککردنەوەی خێرای زیانەکان و ئاساییبوونەوەی پێدانی کارەبا دەست پێ کرد.
فەرمانگەی میدیا و زانیاری