کابینەی نۆیەم کارگەیەکی گرنگ و گەورەی بەرهەمهێنانی گەنم لە زاخۆ دادەمەزرێنێت

ڕۆژى شه‌ممه‌ (21 ى ئه‌يلوولى 2024)، مه‌سرور بارزانى، سه‌رۆكى حكومه‌تى هه‌رێمى كوردستان، به‌ردى بناغه‌ى كارگه‌ى سليڤانا ـى له‌ زاخۆ دانا.

كارگه‌ى سليڤانا‌ ده‌بێته‌ يه‌كێك له‌ گه‌وره‌ترين كارگه‌كانى به‌رهه‌مهێنانى گه‌نم، كه‌ به‌ پێى ستانداردە‌ جيهانييه‌كان كار ده‌كات.

کارگەکە، تواناى به‌رهه‌مهێنانى هه‌زار تۆن گه‌نم و تواناى عه‌مباركردنى 25 هه‌زار تۆن گه‌نمى ناوخۆی ده‌بێت.

ئه‌م كارگه‌يه‌ له‌سه‌ر ڕووبه‌رى 18 دۆنم زه‌وى دروست ده‌كرێت؛ به‌ ته‌واوبوونى، زياتر له‌ 200 هه‌لى كار ده‌ڕه‌خسێنێت و ده‌بێته‌ پشتيوانييه‌كى گه‌وره‌ بۆ كه‌رتى كشتوكاڵ و ئابوورى.