کابینەی نۆیەم لە بەهێزکردنی ئاسایشی خۆراکدا هەنگاوی گرنگی ناوە

گرنگیدان بە ئاسایشی خۆراک یەکێک بووە لە کارە لەپێشینەکانی کابینەی نۆیەمی حکومەتی هەرێمی کوردستان، بۆ ئەو مەبەستەش سێ سایلۆ دروست کراون و چەند سایلۆیەکیش لە دروستکردندان؛ کە دەتوانن 200 هەزار تۆن گەنم کۆگا بکەن.

وەبەرهێنانی کشتوکاڵییش لە 1.8% بۆ 10% زیاد کردووە، 30 هەزار خانووی پلاستیکی و 319 کۆگای ساردکەرەوە بۆ کۆگاکردنی بەرهەمە کشتوکاڵییەکان دروست کراون.

زیاتر لە 11 هەزار کۆمپانیا تۆمار کراون، هەزار و 650 کارگەی نوێ دامەزراون، جگە لەمانەش بۆ یەکەمجارە بە فەرمی بەرهەمە کشتوکاڵییەکان لە کابینەی نۆیەم هەناردەی وڵاتان کرا.

پشتیوانیکردنی بەرهەمی ناوخۆیی و بەهێزکردنی زیاتری ژێرخانی ئابووری، ئامانجی سەرەکیی حکومەتی هەرێمی کوردستانە.

 

فەرمانگەی میدیا و زانیاری