شاندی هەرێمی کوردستان لەگەڵ حەلبوسی كۆبووەوە
![](/media/2127/krg__delegation_meets_muhammad_halbousi-1.jpg?anchor=center&mode=crop&width=1200&height=630&rnd=132326591020000000)
بەغدا، عێراق (GOV.KRD)- شاندی حکومەتی هەرێم بە سەرۆکایەتی قوباد تاڵەبانی لەگەڵ محەمەد حەلبوسی سەرۆکی ئەنجومەنی نوێنەرانی عێراق کۆبووەوە و تاوتوێی چۆنییەتی چارەسەرکردنی کێشە هەڵپەسێردراوەکانی نێوان هەرێم و بەغدایان کرد.
شاندی حکومەتی هەرێم رۆژی چوارشەممە ٢٩ نیسانی ٢٠٢٠ بە سەرۆکایەتی قوباد تاڵەبانی جێگری سەرۆکی ئەنجومەنی وەزیران، سەردانی محەمەد حەلبوسی سەرۆکی ئەنجومەنی نوێنەرانی عێراقی كرد و لەمیانەی كۆبوونەوەیەكدا هەدوولا لەسەر چارەسەری گشتگیری کێشە هەڵپەسێردراوەکانی نێوان هەولێر و بەغدا هاوڕابوون.
کۆبوونەوەکانی شاندی هەرێم لەگەڵ حکومەتی عێراق و لایەنە عێراقییەکان ئەمشەو و سبەی بەردەوام دەبێت.