قوباد تاڵەبانی لەگەڵ بەرپرسانی باڵیۆزخانەی عێراق لە ئەرمینیا کۆبووەوە
![](/media/5978/dpmqubad-talabani_meets-with-iraq-embassy-of-iraq-armenia-1.jpg?anchor=center&mode=crop&width=1200&height=630&rnd=132656446320000000)
هەولێر ، هەرێمی كوردستان ، عیراق (GOV.KRD)- قوباد تاڵەبانی جێگری سەرۆک وەزیرانی هەرێمی کوردستان لە میانەی سەردانەکەیدا لە ئەرمینیا لەگەڵ محەمەد عوبێد جەبر هەڵسوڕێنەری کاروباری باڵیۆزخانەی عێراق لەو وڵاتە کۆبووەوە و پێکەوە هەندێ پرسیان تاوتوێ کرد.
لە کۆبوونەوەکەدا کە ئەمڕۆ 16 ئایار (مایس) ی 2021 بەڕێوەچوو، باسی دۆخی رەوەندی کوردی و عێراقی کرا لە ئەرمینیا و بڕیاردرا هەماهەنگی زیاتر هەبێت لەنێوان حکومەتی هەرێم و باڵیۆزخانەی عێراق لە ئەرمینیا بۆ چارەسەرکردنی کێشەکانی ڕەوەندی کورد لەو وڵاتە.
لە بەشێکیتری کۆبوونەوەکەدا تاوتوێی چۆنییەتی بەهێزکردنی پەیوەندییەکانی نێوان عێراق و هەرێمی کوردستان لەگەڵ کۆماری ئەرمینیا کرا و لەم چوارچێوەیەشدا قوباد تاڵەبانی دید و تێڕوانینی خۆی بۆ بەرپرسانی باڵیۆزخانەی عێراق خستەڕوو.