خزمەتگوزارییەکان
- پێشنیازكردنی سیاسەتە گشتییەكانی پەیوەندار بە ئافرەتانەوە و چەسپاندنی پرەنسیپی یەكسانی لە نێوان ژنان و پیاوان.
- كاركردن بۆ كاراكردنی ئەو یاسا و ماددە یاساییانەی كە تایبەتن بە ژنان و تاكو ئێستا جێبەجێ نەكراون.
- بەشداریكردن لەو لێژنانەی كە له‌لایه‌ن حكومەته‌وه بۆ باشتركردنی ڕەوشی ئافرەتان پێكدەهێنرێن.
- ئەنجامدانی كۆڕو كۆنفرانس و وۆرك شۆپ بۆ باشتركردنی بارودۆخی ژنان و كچان.
- كاركردن بۆ گونجاندنی یاسا و ڕێساكانی ناوخۆ لەگەڵ ڕێككەوتننامە و پرۆتۆكۆلە نێودەوڵەتییەكان.
- پێدانی ڕاوێژ و بۆچوون بە دامودەزگا فەرمییەكان سەبارەت بە پرسی ژنان.
- هاندانی زانكۆ و پەیمانگاكان بۆ ئەنجامدانی توێژینەوەی زیاتر له بارەی پرسەكانی ژنان.
- نوێنەرایەتیكردنی حكومەتی هەرێمی كوردستان لە چالاكی و كۆنفرانسە ناوخۆیی و نێودەوڵەتییەكاندا.
- مسۆگەركردنی بەشداری ژنانی كوردستان لە بوارەكانی كۆمەڵایەتی و ئابووری و سیاسی و یاسایی و كولتووری، هەروەها بەشداریكردنی لە پرۆسەی درووستكردنی بڕیار و بەرپرسیاریەتی سەركردایەتی و ڕۆڵی لە پرۆسەی گەشەپێدان.
- دابینكردنی پاراستنی یاسایی و كۆمەڵایەتی بۆ ژنانی كوردستان و مسۆگەركردنی كەرامەت و پێگەی كۆمەڵایەتیان وەكو هاووڵاتی تەواو كە هەموو مافێكی هەبێت لە هەموو قۆناغەكانی ژیانیدا.