هەولێر، هەرێمی کوردستان، عێراق (GOV.KRD)- چوارشەممە  ٤⁄ ٨⁄ ٢٠٢١ لەشاری مەککەی پیرۆز  (دیداری مەرجەعیەتەکانی عێراقی )  بەرێوەدەچێت، دیدارەکە لەلایەن رابیتەی جیھانی ئیسلامی ئەنجام دەدرێت و چەندین بەرپرس و کەسایەتی باڵاى  ئایینی لە عەرەبستانی سعودیەو عێراق بەشداری تێدا دەکەن، وەفدێکی ھەرێمی کوردستانيش لەوەزارەتی ئەوقاف وکاروباری ئایینی و یەکێتی زانایانی ئایینی ئيسلامى كوردستان لەدیداری مەرجەعیەتەکانی عێراق بەشداريان كردووە.
د. پشتیوان سادق وەزیری ئەوقاف وکاروباری ئایینیش لەڕێگەی ڤیدیۆ کۆنفرانسەوە بە پێشكەشكردنى وتارێک بەشدارى ديدارەكەى كرد،  جەخت لەھەوڵەكانى حکومەتی ھەرێمی کوردستانی کردەوە   لەپێشوازی پێشەکەشکردنی خزمەتگوزاری بۆ لێقەوماوانی ھەموو پێکھاتە جیاوازەکان، ھەر کاتێکیش پێویست بووبێت ئەوا ھەرێم سەرەرای سنوورداری توانایی بەڵام دەستی ھاوکاری بۆ ھەموو عێراقیەکان درێژ کردووە، چونکە پێکەوەژیانی ئایینی و نەتەوەیی لە کوردستاندا وەک نمونەیەيەك جوان لە سەر ئاستى ناوچەكە نەخشێندراوە، ئەمەش لەژێر سێبەری سەرۆک مەسعود بارزانی  کەبووەتە پارێزەری مافی ھەموو پێکھاتەکان، دواتر ھیوای خواست راسپاردەکانی ئەم دیدارە ببێتە مایەی سوود بۆ ھەموو پێکھاتەکانی عێراق و گیانی پێکەوەیی بەھێز بکات 
ھەر لەدیدارەکەدا  د.عبداللە وەیسی  سەرۆکی یەکێتی زانایانی ئایینی  بەوتەیەک بەشداری کرد تیایدا روناکی خستە سەر پێکەوەیی و ئازادی ئاینەکان و تەبایی خۆشەویستی نێوان ھەموو ئایین و پێکھاتەکان  دواتر تیشکی خستە سەر بەرەو پێش بردنی خوێندنی ئیسلامی برەو دان بەم بوارە،  ھەروەھا بەگرنگ بینینی پەیوەندی بەھێزی کوردستان و سعودیە کە  مێژوویەكى دێرينى  ھەیە وێرای جەخت کردنەوە لەھاوکاری پێکھاتەکانی عێراق و گواستنەوەی ئەزموونی ھەرێم بۆ ناوچەکانی تری عێراق

جێگەی ئاماژەیە دیدارەکە بەبەشداری سەرجەم پێکھاتەکانی عێراق بەرێوەدەچێت